Archiv Theo Candinas  Archiv Theo Candinas

Signatur: ASL-Candinas

---

1900 bis 2015

Il fond da Theo Candinas ei accessibels cun agid digl inventari disponibels egl ASL. Consultaziun exclusivamein en la sala da lectura digl ASL. La consultaziun ei limitada per motivs da dretg d'autur e da persunalitad..

:   Theo Candinas ei naschius ils 19 da december a 1929 a Surrein/Sumvitg, nua ch’el ha passentau si’affonza e giuventetgna. Suenter il diplom da scolast primar a Cuira ha el studegiau a Friburg, Paris, Perugia e Neuchâtel per daventar scolast secundar. Els onns 1956 tochen 1991 ha Candinas dau scola a Cuera, dapi igl onn 1991 viva el sco scriptur liber e publicist a Surrein ed el Tessin. Theo Candinas ei staus president dall'Uniun da scripturas e scripturs romontschs (1964-1967) e dall'Associaziun da scripturas e scripturs svizzers (1977-1979). Duront decennis ei el s’engaschaus pil lungatg e la cultura romantscha. Dapi igl onn 1952 publichescha Candinas poesias, raquents e romans, tocs da teater, giugs radiofonics, artechels e glossas per romontsch e per tudestg. Els onns 1970 ha el scandalisau il public cun sias satiras dalla societad en Surselva, surtut cullas Historias da Gion Barlac (1975). Candinas ha era fatg numerusas traducziuns. Sia lavur ei vegnida renconuschida cun differentas distincziuns, denter auter cun premis dalla Fundaziun Schiller svizra (1971 e 1987) e cul Premi cultural da renconuschientscha dil Cantun Grischun (1990). Theo Candinas è mort ils 1. avrigl 2020.  :   Igl archiv da Theo Candinas cuntegn lavurs preliminaras per sias ovras, per artechels e referats, la corrispundenza, fotografias e documents audiovisuals sco era ina documentaziun da stampa da veta ed ovra e singuls objects.

https://www.helveticarchives.ch/archivplansuche.aspx?ID=662352 (Bestandsbeschreibung in HelveticArchives)  http://nbn-resolving.org/urn:nbn:ch:bel-90578 (Online-Inventar des Schweizerischen Literaturarchivs) 

: Igl archiv da Theo Candinas ei vegnius acquisitaus digl autur egl onn 2013. 

CH-000015-0-662352, http://kalliope-verbund.info/CH-000015-0-662352

Erfassung: 2013-12-11 ; Modifikation: 2020-12-21

---